Qırım Dernegi Muzıka Talebeleri Yıl Soñu Konserti Berdi
Dernegimizniñ muzıka talebelerimiz 2024 senesi İlk Qış ayı 21-i tarihinde Dernek binamızda yıl soñu konserti berdi.
Dernek azalarımızznıñ dernegimizniñ muzıka kurslarında oquğan balaları bu konsertte ailelerine beceriklerini numayış ettiler.
Tedbir, Umumiy Reisimiz Mükremin Şahinniñ açılış qonuşması ile başladı. Şahin qonuşmasında sanat tahsiliniñ balalarnıñ akademik ilerilemelerine tesiri haqqında söz yürseterek, bu kurslar maqsatları olğan muzıka mektebiniñ temeli olması tilegini ifade etti. Balalarğa muzıka tahsili berirken köstergen fedakâr işi içün hocamız Refat Useinge ayırıca teşekkür etti.
Hocaları Refat Usein idaresinde yıl boyu çalışqan balalarımız, saat 15.00-te teşkil etilgen, Umumiy Kâtibimiz Ülkü Aksel alıp barğan Yañı Yıl konsertinde ailelerine çalışmalarınıñ neticesini kösterdiler.
Ailelerinen beraber musafirler ve yönetim qurulı azalarımız da seyircileri arasında bulunğan konsert soñ derece neşeli bir ortamda keçti.
Zira muzıka tahsili alğan talebeler arasında yalñız balalarımız degil, "Cıyın" ansambliniñ oyuncılarımıznıñ ana-babaları da iştirak etken edi.
Hocamız Refat Useinniñ 7-den 70-ke qadar bütün talebeleri bizge quvançlı añlar yaşattılar.
Konsertten soñ Umumiy Reisimiz Mükremin Şahin balalarımızğa qatılım belgelerini berdi, hocamız Refat Usein de Yañı Yıl hediyeleri berdi.