Fidançıq Balalar ve Ösmürler Merkezi Taqdim Ete - 2

 

"Vucudım" bala kencelerimizniñ esası ile tanıştıra. Bu yırda baş, kevde, qol ve ayaq – vucudımıznıñ parçaları (müçeleri) ögrenile. Şeñ yır yardımnen balalar vucudımıznıñ parçalarını yırlap ögreneler.

"Vucudım" yırını "Fidançıq" balalar ve ösmürler inkişaf merkeziniñ ocası Zemine Kurtmemetova ve talebeleri Halise Abibullayeva, Yusuf Kurtmemetov, Adile Abduramanova, Arzı Settarova, Meryem Mustafina, Damir Salimov icra eteler.

 

                                                                                         Vucudım

 

                                                                                              Közlerim, qulaqlarım,
                                                                                              Ağzım, burnum – başımda
                                                                                              Ögrendim vucudımnı
                                                                                              Bu kiçiçik yaşımda.

                                                                                              Vucudımız üç parça,
                                                                                              Sayayıqmı beraber?
                                                                                              Baş, kevde, qol-ayaq
                                                                                              Er kes alğışlayacaq.

                                                                                              Yüregim dük-dük ura,
                                                                                              Dük-dük, dük-dük-dük,
                                                                                              Aşqazanım ğır yapa,
                                                                                              Ğır-r-r-r-r-r-r,
                                                                                              Aqcigerim köksümde
                                                                                              Nefesnen tola bile.

                                                                                              Vucudımız öç parça,
                                                                                              Sayayıqmı beraber?
                                                                                              Baş, kevde, qol-ayaq
                                                                                              Er kes ayaq taptaycaq.
                                                                                              Rap-rap,rap-rap-rap,
                                                                                              Uzun ayaqlarımnen
                                                                                              Men yürem anda mında.
                                                                                              Sevimli dostlarıma
                                                                                              Qollarımnen sarılam.

                                                                                              Vucudımız üç parça.
                                                                                              Sayayıqmı beraber?
                                                                                              Baş, kevde, qol-ayaq
                                                                                              Er kes topuğını uracaq.

                                                                                              Vucudımız üç parça.
                                                                                              Sayayıqmı beraber?
                                                                                              Baş, kevde, qol-ayaq
                                                                                              Er kes şimdi turacaq.