KİÇİK AYNIÑ ŞİİRİ: SARI TÜLPAN / NUMAN ÇELEBİCİHAN

"Numan Çelebicihannıñ aziz hatırasına sayğınen"

                                                                                     

SARI TÜLPAN

İlk baarni müjdelegen sarı tülpan,
Bari böyle solmasaydıñ iç bir zaman.
Güzel yosma gonceñ ile endamıñnı
Er kün sever, öper edim sayğılarman.

Göñlümizni hoşlandırdıñ, sarı tülpan,
Men de seni elden, yelden qısqanaman.
Uzaqlardan, kökten, yerden çoq süyemen,
Küneşlerniñ, yıldızlarnıñ közü yaman.

Sarı tülpan, bağçamıznı şeñlendirdiñ,
Pek az zaman qırıq göñlüm eglendirdiñ.
Yarın sen de qırılacaq, öleceksiñ,
Ölecekseñ bu cianğa niçün keldiñ?

 

LUĞAT

Tülpan: Lale
Süyemen: Seviyorum
Cianğa: Cihana, dünyaya

 

OQUĞAN: OYA DENİZ ÇONĞAR