Serra Menekaynıñ “Tamırlardan Dallarğa” (“Köklerden Dallara”)

Adlı Soñ Kitabı İçün Muhteşem Tanıtım

 

Qırım Dernegi Umumiy Merkezi Yönetim Qurulınıñ azası, yazıcı Dr. Serra Menekaynıñ soñ kitabı “Tamırlardan Dallarğa” (“Köklerden Dallara”) 2026 senesi Orta küz ayınıñ 4-ü, bazar künü, muhteşem bir programmnen tanıtıldı.

Nevzusından dolayı soñ derece meraqlı ve diqqat çekici olğan eser Qırımdan Balkanlarğa ve Qıbrızğa uzanğan köçnü ve Qıbrıznıñ yaqın keçmişini añlata. Şimaliy Qıbrız Türk Cumhuriyetiniñ 5-inci Cumhurbaşqanı Sayğılı Ersin Tatarnıñ iştiraginen kerçekleştirilgen kokteyl ve tanıtım toplaşuvı Qırım Dernegi Dr. Ahmed İhsan Qırımlı Sosial Tesisinde teşkil etildi.

“Tuvgan Til” internet saytınıñ koordinatorı Oya Deniz Çongar alıp barğan tedbir, Qırım Derneginiñ “Cıyın” ansambliniñ künnüñ mahsus musafiri Sayğılı Ersin Tatarğa bağışlağan “Ağır Ava ve Qaytarma” oyunı ile başladı.

Oyun numayışından soñ protokol qonuşmalarına keçildi. Toplaşuvnıñ açılış qonuşmasını Umumiy Reis Mükremin Şahin yaptı. Şahin böyle bir programmğa ev sahipligi yapmaqtan duyğan memnuniyeti haqqında aytır eken, Sayğılı Ersin Tatarnıñ aralarında olmasından şeref duyğanını bildirdi. Qonuşmasında Qırım Hanlığınıñ 1783 yılında yıqılmasından soñ Qırımdan, Romaniya ve Moldovadan İdil (Volga) özenine qadar uzanğan Qıpçaq coğrafiyasından Osmanlı topraqlarına köçlerniñ başlağanını qayd etken Şahin, bu köçlerniñ Qırım Cenkinden soñra kütleviy halğa kelgenini ifade etti.

Ayırıca, Ersin Tatarnıñ aile tarihiniñ de bu süreçke dahil olğanını aqtarğan Mükremin Şahin sözlerini “Sayğılı Cumhurbaşqanım, sizlerniñ aile tarihiniñ de bu süreçke dahil olması bizlerniñ sizge baqışını daha añlamlı halğa ketirmektedir”, – dep devam etti.

Reis Şahin, bugün vatanları Qırımda yaşağan Qırımtatarlarınıñ sayısınıñ tam bir sayım olmamasına rağmen, tahminlerge köre 400 biñ civarında olğanını bildirerek, Qırım tışında ise bu nüfusnıñ eñ az 20 qatı insannıñ tahminen 20 ülkege dağılğan şekilde yaşağanını ayttı.

Qırımtatarlarınıñ eñ çoq sayıda yaşağan ülke Türkiye olğanını qayd etken Şahin qonuşmasını şöyle devam etti: “Biz de bu yerde  Umumiy Merkez olaraq 23 şube ve 12 temsilciliknen faaliyetimizni alıp baramız. Bu yerdeki teşkilât sayımız bizge bağlı olmağan serbest derneklernen beraber 45 civarındadır ve bizler Qırımtatar Teşkilâtları Platformı adı altında ortaq hareket qabiliyetine sahipmiz.

Dünyada ise tahminen 20 ülkede 200 civarındaki teşkilât Dünya Qırımtatar Kongressi adlı yapı ile beraber hareket etmektedir. Bu kongressniñ merkezi Kyivde, sekretariatı ise Ankaradadır.

Qırımtatar Milliy Meclisi ve Dünya Qırımtatar Kongressi Qırımtatarlarınıñ resmiy temsil organlarıdır.

20 farqlı ülkege dağılğan, faqat vatanları Qırımnı hiç bir zaman unutmağan Qırımtatarları Türk Dünyasınıñ ayırılmaz bir parçasıdır.

Yaqın tarihinde İsmail Bey Gaspralı, Bekir Sıdqı Çobanzade, Mustafa Cemiloğlu kibi insanlarnı yetiştirgen halqımız ilim, sanat, kültür ve iş dünyasında da çoq taraflı pek çoq insanı Türk Dünyasınıñ hızmetine bağıilağandır.

Dünyadaki Qırımtatar diasporası aynı zamanda Türkiye Cumhuriyeti Devletiniñ de tabiiy diasporasıdır.

Hepimizniñ bilgeni kibi bugün yalıñız bölge siyaseti degil, dünya siyaseti de Qaradenizde Qırımğa, Aqdenizde Qıbrızğa kilitlengendir. Ögümizdeki süreçte bu eki adanıñ ehemiyeti daha da artacaqtır.

Biz, Qırımtatarları, Qıbrızımızğa ve anda yaşağan qardaşlarımızğa siziñ şahsıñızda eñ küçlü muhabbetimizni, sevgimizni, sayğımıznı ve destegimizni yiberemiz.

Bugün sizni qabul etmekten şeref duyğanımız binamızda tünevin Ğarbiy Trakiya Türklüginiñ ve bütün Türk Dünyasınıñ eñ yigit evlâtlarından biri Dr. Sadıq Ahmetni añaraq, refiqası Işıq Sadıq Ahmet hanımnı musafir ettik. Onuñ aziz hatırası ögünde de bir kere daha sayğı ile egilemiz”.

Daha soñra Şimaliy Qıbrız Türk Cumhuriyetiniñ 5-inci Cumhurbaşqanı Sayğılı Ersin Tatar söz aldı. Tatar, qonuşmasına Qırımtatarlarınıñ Osmanlı coğrafiyasından Qıbrızğa, Özbekistandan Amerikağa qadar dünyanıñ farqlı bölgelerine dağılğanını bildirerek, yaşağanları cefalarğa rağmen degerlerini qoruğanlarını qayd eterek başladı.

Tatar, Qırımtatarlarınıñ “hiçbir zaman vazgeçmedenn, hiçbir zaman teslim etmeden sahip olğanı degerlerini qoruyaraq” bugünlerge kelgenini ifade etti. “Bu halq Türkiye Cumhuriyetiniñ de pek mühim degerlerine bağlı olğan bir millettir. Yaşağanımız bütün cefalarğa rağmen bugün tim-tik ayaqtamız ve bunu ğurur ile birlikte yaşaymız”, – dedi.

Tarih boyunca köç yolları ve cenklerde hayatlarını coyğanlarğa, Gaspralığa ve beñzeri qahramanlarğa minnet, sayğı ve şükranlarını ifade etken Tatar, “Olarğa bir kere daha teşekkür etem. Ve tabiiy ki, Türkiyeniñ büyük yolbaşçısı Gazi Mustafa Kemal Atatürkke rahmet ve minnetle sayğılarımnı bildirem” ifadelerini kullandı.

Tatarnıñ qonuşmasından soñ Umumiy Reis Mükremin Şahin Ersin Tatarğa bir Qırımtatar qalpağı, Qırımtatar bayrağı renklerinde Taraq Tamğalı bir boyunbağı ve Umumiy Merkezniñ 70 yılı münasebeti ile Qırım Vaqfı Reisi Tuncer Qalqay tarafından hazırlanğan “70 Yaşında Bir Çınar” adlı Dernekniñ tarihini añlatqan kitapnı hediye etti.

Manisadan tanıtım toplaşuvı içün kelgen Demirci Aqıncıları Dernegi Reisi Hüseyin Qıncınıñ Ersin Tatarğa, Işıq Sadıq Ahmetke ve Umumiy Reiske hediyelerini taqdim etmesinden soñ kitapnıñ teşekkür bölümine keçildi. Bu bölümde Dr. Serra Menekay kitapnıñ yazımı esnasında oña fotografiya, vesiqa, menba, bilgi ve tüzeltmeler meselesinde destek olğanlarnı ayırı-ayırı davet eterek, kitapnıñ mahsus yayınını hediye etti.

İlk teşekküri romannıñ ortağa çıqmasını temin etken Ersin Tatarğa yapqan Menekay, “İlle de meni bir Qırımlı yazsın degen, meni tapqan Sayın Cumhurbaşqanıma bu romannı mümkün etkeni içün; maña “Men biografiya yazmayım, efendim, men gazeteci degilim, biografiya isteseñiz, başqası yazması lâzim ama, ne olur, men bunu roman yazayım” degenimde, “Tamırlarıma ayırıca diqqat et menim, menim Qırımlı olğanıma diqqat çek”, degeni içün; bütün bu sekiz aylıq süreçte menim ağam olğanı içün; meni ailesiniñ bir azası kibi qucaqlap, bütün imkânlarnı açıp, her kesniñ hikâyesini eñ ince ayırıntısına qadar ögrenmemni tevin etkeni içün şükranlarım ile bu kitapnıñ mahsus yayınını bağışlamaq isteyim”, – dedi.,

Diger musafirlerge de teşekkür hediyeleriniñ verilmesinden soñ, Menekay bularnı ayttı: “Qıbrıznen bağlı bir roman yazmaq istey edim. Amma bunuñ içün maña pek küçlü bir çimento kerek edi. İşte, romannıñ çimentosı Sayğılı Cumhurbaşqanımnıñ ailesiniñ hikâyesi oldu. Kitapnı sekiz ayda yazğanım içün maqtalam, ancaq bunuñ maqtalacaq bir tarafı yoq. Romannı evde bir suhbet yazğan kibi yazdım. Sayğılı Ersin Tatarnıñ qartbabası Cemal Müftüzade Dr. Fazıl Küçükniñ müsteşarı eken. Tatarnıñ babası Hüsrev Tatar ise yıllarca Rauf Denktaşnıñ yanında bulunğan. Bu sebepten men ekisini qonuştıram, Qıbrıznıñ yaqın tarihini yazılğan kibi ola. O qadar qolay edi ki, ilk defa bu qadar kqolay yazdım”.

Dernekniñ oyun salonında kokteyl ve taqdimler devam etken arada musafirler Bekir Sıdqı Çobanzade Kütüphanesindeki sergiden kitaplarını alaraq, yazıcığa imzalatmaq içün uzun bir sıra oluştırdılar. Kitapnıñ imzası uzun devam etti, amma musafirler sabırnen sıralarını beklerken, bahtları yüzlerinden oqula edi.