“Cıyın” Ansambli “26-ncı Türk Dünyası Balalar Festivali”nde İştirak Etti
“Cıyın” ansambli orta gruppası öz “Qoqla” oyunı ile festivalde iştirak etti.
Festival Şou, 26-ncı Türk dünyası balalar festivaliniñ mühim tedbiri, TİKA – Türk Işbirlik Ve Koordinatsiya Agentligi, YTB – Tış Memleketlerdeki Türklerniñ Nazirligi, Türkiye Cumhuriyeti İstanbul Valiligi, Yunus Emre İnstitutı, TÜRKSOY – Halqara Türk Kültürü Teşkilatı ve Samsun Büyükşehir Belediyesi desteginen teşkil etilgen, 26-ncı Türk dünyası balalar festivaliniñ büyük tedbiri olğan Festival Konserti 2026 senesi aprelniñ 29, çarşenbe künü, saat 09:30-dan 12:00-ge qadar Ataköy Ahmet Cömert sport zalında keçirildi.
Türk coğrafiyasınıñ çeşit regionlarından kelgen bala halq oyun gruppalarınıñ çıqışları olğan bu tedbirde “Cıyın Ansambli”nden ğayrı Qabarday-Balqar Cumhuriyetiniñ Nalçik şeherinden kelgen “Nasip” halq oyunları gruppı, Türkiye-İstanbuldan “Şarqiy Türkistan Nuzugum Medeniyet ve Aile Derneginiñ halq oyunları gruppı, Qırğızstannıñ Alamudun şeherinden “Qız Kebez” halq oyunları gruppı, Özbekistannıñ Taşkent şeherinden “Cumhuriyet ihtisaslaştırılğan horeografiya internatı” halq oyunları gruppı, Azerbaycannıñ Baku şeherinden Türk Dünyası Bakü Atatürk Lisesiniñ “Qarabah Zafer” halq oyunları gruppı, “İraq Türkmeneli” halq oyunları gruppı, Qazahstan-Kökşetavdan “Barhat” halq oyunları gruppı, Bulgaristan-Şumnu/Silistreden “Deliorman” halq oyunları gruppı, Qırğızstan-Bişkekten “Şattık” halq oyunları gruppı, Moldova-Gagauz Yeri Muhtar Bölgesi/Congazdan “Altın Çeşme” halq oyunları gruppı, Qırım-Aqmescitten “Fidan” Qırımtatar halq oyunları gruppı, Başqortostan Cumhuriyeti-Sterlitamaktan “Toratau” halq oyunları gruppı ve Türkiye-İstanbuldan “Bayrampaşa Tuna İlkokulu” halq oyunları gruppı iştirak ettiler.
Bu tecribe vaqtında balalarımızğa yardımcı olğan ana-babalarğa teşekkürler bildiremiz; ve öz yaşına köre intizamlı ve istisnaiy muvafaqiyetli sahna çıqışları içün büyük alğışlar qazanğan orta gruppamıznı, hem de olarnı bu numayışqa hazırlağan hocaları Evelina Kemilevanı hayırlaymız.
