Navrez Bayramını Qayd Ettik

Umumiy Merkezniñ yanında “Cıyın” ansambli oyun ve muzıka taqımınıñ çalışma salonında Navrez bayramını keçirdik.

Programmamızda AKPnıñ türkiy devletlernen münasebetler idaresiniñ müdiri ve Ankara milletvekili Prof.Dr. Kürşad Zorlu, Umumiy Merkezniñ Reisi Mükremin Şahin, Qırım Vaqfınıñ Reisi Tuncer Qalqay, Qırımtatar Milliy Meclisiniñ azası ve Şefiqa Gaspralı adına Halqara Qadın Birliginiñ Reisi Prof. Dr. Gayana Yüksel, Umumiy Merkez Reisiniñ vekili Namik Kemal Bayar, Umumiy Merkez Reisiniñ yardımcısı İsmet Yüksel ile daha çoq davet etilgen insanlar iştirak etti.

Türk dünyasında baarni müjdelegen Navrez bayramı içün 2026 senesi mart 28-nde, bazar künü, keçirilgen ve Oya Deniz Çongar tarafından taqdim etilgen tedbir "Yanğıray Qaytarma Muzıqa Okulınıñ" derslerine qatnağan balalardan ibaret olğan hornuñ yırlağan yırlarınen başlandı.

Muzıka hocamız Refat Üseinniñ rehberligi altındaki hor,

                                                                                  “Navrez keldi, körüñiz,
                                                                                   Navrez haqqın beriñiz…”

Sözlerinen Navrezni hayırlaüan ve “Cıyın” ansambli ile beraber yırlanğan yırnıñ artından zalda coşqun alğışlar ve salondaki musafirlerniñ iştiragi ile “Güzel Qırım” ve “Çalaşım” yırları icra etildi.

Ansamblimizniñ hocaları Evelina Kemilevanıñ idaresinsinde çınlaşmanen beraber icra etilgen “Bağçasaray Qaytarması”, “Çiborek” oyunı, “Qalaylı Qazan” oyunları, hem de muzıka derslerine qatnağan balalarımıznıñ çıqışları ve bizim küçük gruppamız birinci kere oynağan “Özbek oyunı”nıñ çıqışları da bayramnı yaraştırdı. Balalarımıznıñ Qırımtatar tilinde seslendirgen çınlar ve tapmacalarğa da büyük qıymet kesildi. Şeñligimizde çuval yarışması, qaşıqlarnen suv taşıma kibi oyunlarnen hem şeñlendik, hem balalarımızğa bazı oyunlarnı tanıştırmağa nasip olduq.

Elbette, hem yarışlarda iştirak etken balalarımız, hem de şiir aytqanlar öz “Navrez Haqqı” olaraq bahşışlarını aldılar.

Ğayet şeñ müitte olup keçken tedbirimizni beraber oynağan qaytarmanen ve böyle satırlarnen yekünledik:

                                                           Navrez keldi dağlarga, bağçalarğa dağlarğa
                                                           Gül tutturıp qollarğa, ozğara tarlalarğa.
                                                           Vişne, armut, almalar, ap-aq çeçek açalar,
                                                           Bereketten haber berip, qoquların saçalar.
                                                          Tereklerde quşçuqlar, Navrez yırın yırlaylar,
                                                          Bahtlı oğlan-qızçıqlar cıyınlarda oynaylar.
                                                          Navrez keldi - duyamız, qoqusına toyamız,
                                                          Aman olsun dünyamız, yaşasın Vatanımız!

Bayramımıznı kelecek sene de aynı derecede güzel ve daha büyük Navrez bayramı olması tileginen bitirdik.