Ukrainanıñ eñ küçlü 100 qadın cedvelinde kirgen qadınlarımıznı hayırlaymız!

Qırımtatar Milliy Meclisiniñ azası Gülnara Bekirova, Qırımtatar Resurs Merkeziniñ müdiri Zarema Bariyeva ve Qırımtatar muzıkantı Aziza Eskender Ukrainanıñ eñ küçlü 100 qadını cedveline kirsetildiler.

Mukâfatlandırma merasimi.

Ukrainanıñ nüfuzlı neşirlerinden biri olğan “Ukrainska pravda” tarafından her yıl tertip etilgen “UP 100: Qadın Küçü 2026” cedveli ilân etildi. Qırımtatar Milliy Meclisiniñ (QTMM) azası Gülnara Bekirova ve Qırımtatar Resurs Merkeziniñ müdiri Zarema Bariyeva “Cemiyet” kategoriyasına kirsetildiler, Qırımtatar muzıkantı Aziza Eskender ise “Medeniyet” kategoriyasında Ukrainanıñ kelecegini şekillendirgen eñ muvafaqiyetli qadınlar arasında yer alıp, büyük muvafaqiyetke muvafıq oldular.

Zarema Bariyeva - Qırımtatar Resurs merkeziniñ müdiri.

Qırım Derneginiñ Umumiy Merkezi olaraq, bu üç qıymetli Qırımtatar qadınını Ukrayina başından keçirgen ağır vaqıtlarda iradeleri ve qararlılıqları ile köstergenleri doğru örnek içün alğan bu mukâfatları sebebinen hayırlaymız.

Gülnara Bekirova – QTMM azası

Qadınlarımız, Qırımtatar halqı başından keçirgen büyük facialar zamanında, halqnı quçaqlap, oña yaşayış ve bar olmaq quvançını berip, basqılarğa baqmadan, işğalcilerge qarşı sarsılmaz iradeniñ eñ küçlü timsallerinden biri olğanlar.

Aziza Eskender – Muzıkant

Ukrain şairi Vasil Stusnuñ “Biri çeçek açqanda, hepimiz çeçek açarmız” sözleri şiar olaraq qullanılğan 2026 senesi mart 24-te keçirilgen merasimde mukâfatlarını alğan dostlarımıznı kene de hayırlaymız ve sayğınen selâmlaymız.

Mukâfat alğan qadın askerler.

UP 100: Qadın Küçü 2026 mukâfatları.

 UP 100: Qadın Küçü 2026 Mukâfatlandırma merasimi