2026 senesi mart 15-inde Özbekistannıñ paytahtı Taşkentte "Kiyiz fes yapuv ustahanesi" olıp keçti.

Qırımtatar qadınlarına has olğan fesler kiyizden yapılğan ustahane büyük meraq doğurdı.

İştirakçiler Qırımtatar medeniyetinde fesniñ tarihi ve manası, hem de bu ananeviy başlıqnıñ yapıluv hususiyetleri ve basamaqları haqqında bilgi aldılar. İştirakçilerniñ hepisi kiyiznen çalışaraq, bıçmaqtan başlap, soñki süslenmesine qadar öz beceriklerini qullanıp, taqacaq feslerini öz elleri ile yapmaq fursatından faydalandılar.

Teşkilâtçılar tedbirge böyle sözlernen qıymet kestiler: "Ustahane sıcaq ve icadiy ortamda keçti. İş vaqtında çoq qonuşmalar, meraqlı sualler, ve elbette, ortağa çıqqan güzel mahsulatlar bar edi. İştirakçilerniñ ananelerge olğan qayğı ve sayğını körmek, ayırıca, öz el marifetini sınap baqmaqtan alğan keyf bizlerni ayırıca memnün qaldırdı.

Tedbirde iştirak etken her keske faal iştirakları, meraqları, müsbet energiyaları içün teşekkür bildiremiz. Ümüt etemiz ki, bu ustahane tek yañı bir zenaat ögrenmek içün bir fursat degil de, Qırımtatar medeniyetini saqlap qalmaq ve tanıtmaq yolunda bir adım olğandır.

Ustahaneniñ ömürge keçirilmesine qoşqan hissesi içün Aliye Ablayevağa ayırıca samimiy teşekkürlerimizni bildiremiz.

İcadiy tedbirlerimizde kene sizni bekleymiz!”