“Yanğıray Qaytarma” muzıka mektebiniñ
talebeleriniñ mühteşem numayışı
Qırım Dernegi Umumiy Merkezi çerçivesinde çalışqan “Yanğıray Qaytarma” muzıka mektebiniñ talebeleri öz qorantalarına ve diñlemege kelgen musafirlerge quvançlı daqiqalar yaşattılar.
Oquvlarını büyük tertip-intizamnen devam etken balalarımıznıñ çıqışlarına yüksek derecede qıymet kesildi.
Bu konsertte çoq yañılıqlar peyda oldu.
Bazı talebeler bir vaqıtta eki fortepiano çaldılar.
Bazı talebeler aynı vaqıtta fortepiano ve trampete çalıp, mini-orkestr mühitini yaratıp, seyircilerni hayrette qaldırdılar.
Bazı talebeler de çalğan muzıka aletlerinen beraber türküler aytıp, qorantalarını hayrette qaldırdılar.
Muzıqa hocası Refat Üseinov teşkil etken küçük hor da çalışmalarnıñ yañılıqlarından biri olup, büyük alğışlar qazandı.
Kemane, fortepiano, violonçel, gitara, urulğan aletlerden ders bergen hocamız Refat Üseinov ve onuñ yardımcısı Aytolqın Kenessova eñ azından talebeler qadar heyecanlandılar.
Konsertni “Yañğıray Qaytarma”nıñ talebesi Aras Bulut Selvi alıp bardı.
Muzıka ögrenüviniñ inkişafını biz talebelerge baqıp añlaymız.
Bu konsertte, eñ kiçigi 5, eñ büyügi de 19 yaşında olup, umumen 38 talebe iştirak etti.
Olar hepisi büyük qararlılıq ve izçenliknen çalışalar.
Hocaları Refat Üseinovnen beraber konsertke hazırlanğan balalarımıznıñ heyecanı konsertniñ soñunace devam etti.
Konsert Qırım Dernegi Umumiy Merkeziniñ reisi Mükremin Şahin ve muzıqa hocası Refat Üseinovnıñ balalarımızğa muvafaqiyet sertifikatlarını ve küçük bahşışlarnı bağışlamasınen, soñra da umumiy fotosüreti yapılmasınen bitirildi.
Talebelerniñ qorantalarına da balalarına ve hocalarga yardım köstergenleri içün teşekkürler bildiremiz.
Hocalarnıñ istegi, daima ösken qorantalarınen yap-yañı konsertlerde beraber olmaqtır.
Hisse qoşqan her keske, hususan hocamız Refat Üseinovğa ve yardımcısı Aytolqın Kenessovağa çoqtan-çoq teşekkür bildiremiz.