“Cıyın”Ansambli Litvaniyada
Qırım Dernegi Genel Merkezi yanındaki “Cıyın” ansambliniñ büyük gruppası hocaları Evelina Kemileva ile Litvaniyağa ketti.
Gençler “Cıyın” ansambli ile Litvaniyadaki Tatar Kültür Merkezi yanındaki “İlsu” halq oyunları toplulığınıñ teşkil etmesi, TİKA (Türk İşbirligi ve Koordinasion Agentligi Başqanlığı) ve YTB (Yurttışı Türkler ve Aqraba Toplulıqlar Başqanlığı) desteginen kerçekleştirilgen proyekt çerçivesinde Oraq ayı 9-17 (9-17 Temmuz) tarihleri arasında teşkil etilgen kampqa qatılmaq içün Litvaniyağa ketti.
Bu yıl 13-ünci kere teşkil etilgen kampnıñ Litvaniya qısmını ise Litvaniya Medeniyet Nazirligi, Vilnüs Belediyesi ve Trakay Belediyesi destekley. Bu kampta 2024 yılında “Cıyın” ansambliniñ oyun hocası ve horeografı Evelina Kemilevanen beraber oyuncılardan Vehbi İldar Şahin ve “Tuvğan til” internet saytınıñ koordinatorı Oya Deniz Çonğar iştirak etken ediler.
Ondan soñra “Cıyın” ansambli 2025 yılı Çiçek ayında (Nisan) arqadaşlarını Ankarada beñzer bir kampta qarşılağan ediler.
Kampta kün sabah saat 07.00’de sportnen başlay.
Qahvaltıdan soñ muzıka, oyun ve medeniy faaliyetlerden oluşqan çalışmalar gece 23.00-ke qadar devam ete. Çünki vaqıt az, amma iş çoq.
"Cıyın" ansambli şu arada Litvaniyadaki qardaşlarınen beraberlikte "Saban Tuy"da hayırladılar.
Qırım Hanlığınıñ qurucısı Hacı Geray Hannıñ doğğan topraqlarda, Trakayda teşkil etilgen gençlik kampı bir gala konsert ile bitirilecek. Konsert 16 Oraq ayı 2026 / Cumaaqşamı künü saat 18.00-de Trakay Medeniyet ve Sanat Merkezinde keçirilecek. “Cıyın” ansambliniñ oyuncıları Litvaniyadaki qardaşlarınen beraber ögrengen Qırımtatar oyunları ve Türk halq oyunlarınıñ eñ güzel örneklerini musafirler içün kösterecekler. Sanat aqşamının umumiy sanat yönetmenligini Tatar Medeniet Merkezi “İLSU” halq oyunları Derneği Başkanı ve oyun ocası İlker Teker yapacaq. Her eki gruppanıñ oyuncılarından oluşqan hor Türk halq Türkülerinen Qırımtatar yırlarını da seyircilerniñ diqqatına taqdim etecekler.
Ecdatlarından kelgen medniyetni yaşatmaq ve tanıtmaq maqsadınen köstergen ğayretleri içün bütün gençlerimizni hayırlaymız. Ayırıca hem olarğa, hem de bu tedbirge destek bergen bütün qurumlarğa çoq teşekkür bildiremiz.