“Cıyın” ansambli ve “İLSU”dan Muhteşem Konsert
Qırım Dernegi Genel Merkeziniñ “Cıyın” ansambli ile Litvaniyadaki Tatar Medeniet Merkeziniñ “İLSU” halq oyunları toplulığınıñ Trakayda yapqanları kamp acayıp bir konsertnen bitti.
Qırım Dernegi “Cıyın” ansambliniñ büyük grupu hocaları Evelina Kemilevanen beraber “Cıyın” ansambli ile Litvaniyadaki Tatar Medeniet Merkezi “İLSU” halq oyunları toplulığınıñ teşkil etmesi, TİKA (Türk İşbirligi ve Koordinasion Ajansı Başqanlığı) ve YTB (Yurttışı Türkler ve Aqraba Toplulıqlar Başqanlığı) destegi ile kerçekleştirilgen proyekt çerçivesinde Oraq ayı 9-17 (9-17 Temmuz) tarihleri arasında teşkil etilgen kampta iştirak etmek içün Litvaniyağa ketken edi.
Yoğun çalışma ile keçken kamp 2026s. Oraq ayı 16 (16 Temmuz 2026) Cumaaqşamı künü Trakay Medeniyet ve Sanat Merkezinde teşkil etilgen gala aqşamı ile bitirildi.
Saat 18.00-de yapılğan tedbirge meraq büyük oldu.
Türkiyeniñ Litvaniya Büyükelçisi Esra Toplu, Litvaniya Azınlıqlar Bölüginiñ Halqara Münasebetler Mesul hadimi Nadežda Petrauskienė ve Trakay Belediyesiniñ Halqnen Münasebetler Bölüginiñ Müdiri Asta Lipkevicienėniñ yer alğanı protokol musafirlerinden ğayrı salonda ailelernen beraber çoq sayılı bir seyirci toplulığı yer aldı.
Gençler seyircilerniñ qarşısına keniş bir repertuarnen çıqtılar.
“Cıyın” ansambliniñ oyun hocası ve horeografı Evelina Kemileva hazırlağan “Qazan Tatar Oyunı / Mişär Oyunı”, “Pamuqçı Qız”, “Çoban Oyunu” ve “Balalar Qaytarması”ndan ğayrı Hacettepe Üniversitetiniñ oyun hocası Evren Türkyılmaznıñ öğretkeni “Seymen”, “Van” ve “Zeybek” yöresi halq oyunları seyirciler tarafından meraqnen seyir etildi.
Her eki dernekniñ dansçıları halq oyunları becerilerinden ğayrı hor çalışmaları ile de diqqat çektiler.
Tatar Medeniyet Merkezinden Almira Parmaksızoğlu ile çalışqanları, küçük balalarnıñ seslendirgeni “Suda suda” Qazan Tatar yırı, qızlarnıñ söylegeni “Qayadan endim bugün” Qırımtatar yırı ve bütün grupnıñ mikrofon başına keçip yırlağan bir diger Qazan Tatar yırı – “Anise” büyük alğış aldı.
Bursa Konservatoriyasından Kemal Kamalınıñ “Cıyın” ansambli ile çalışqanı eki Bursa türküsi “Zeytinyağlı Yiyemem” ve “Bursanıñ Ufak Tefek Taşları” ise geceniñ sürprizi edi.
Bu gala geceniñ umumiy sanat rehberligini Tatar Medeniyet Merkezi - İLSU Derneginiñ Reisi ve oyun hocası İlker Teker yaptı. Onu bu muvafaqiyetli gece içün tebrik etemiz.
Konsert hediyelerniñ taqdimi ve toplu fotograf çekimi ile soñuna yetti.
